ಹೀಗೊಂದು ಮಳೆ

ಮನಸ ತುಂಬಾ ಹುಚ್ಚು ಕಾರ್ಮೋಡ
ಅದೋ ಸುರಿಯುತಿದೆ
ಮೊದಲು ಹನಿಯಾಗಿ
ಮತ್ತೆ ಜೋರಾಗಿ
ನೆನಪಿನ ಮಳೆ
ಮನವನ್ನು ನೆನೆಸುತ್ತ, ತಣಿಸುತ್ತ
ಹನಿವ ಹನಿಗಳೆಲ್ಲ ಕಣ್ಣ ಮುಂದೆ ಹನಿದು
ಕಾಲ ಗರ್ಭದಲ್ಲಿ ಮತ್ತೆ ಹುದುಗುತ್ತ
ಮಳೆ ನಿಲ್ಲುವುದು,ಮತ್ತೆ ಮೋಡ ಕವಿಯುವವರೆಗೆ

(ನೆನಪಿನ ಮಳೆ ಮನಸ್ಸನ್ನ ಸ್ವಲ್ಪ ತಣಿಸುತ್ತೆ, ಸ್ವಲ್ಪ ತೋಯಿಸುತ್ತೆ...ಏನಂತೀರ?)

ಮಳೆ

ಸುರಿವ ಮಳೆಯಾಗಿ
ಹರಿವ ನೀರಾಗಿ
ಎಲೆಗಳ ಮೈ ಮೇಲೆ ಮುತ್ತ ಸಾಲಾಗಿ
ಪುಷ್ಪಪಾತ್ರವ ಸೇರಿ
ಅದರ ಒಡಲೊಳು ಜಾರಿ
ಭೂತಾಯ ದಾಹವ ಇಂಗಿಲೋಸುಗ
ಮಳೆಯಾಗಿ ಹರಿಯುವೆ ನಾನೀಗ

( ಹಾಡುಗಳು ಬರಲಿವೆ.........)