Thursday, January 16, 2014

ಮಂದಿ ಚಿಂತಿ

ಮಂದಿ ಚಿಂತಿ, ಮಂದಿ ಚಿಂತಿ
ಒಂದ ಎರಡ? ಮುಗಿವಲ್ದು ಸಂತಿ
ಮದ್ವಿ ಚಿಂತಿ
ಮದ್ವಿ ಆದ್ರ ಮುನ್ನೂರ ಚಿಂತಿ
ಹೊಂದ್ ಬಂದಿಲ್ಲ? ಎಲ್ಲಿಲ್ಲದ್ ಚಿಂತಿ!
ಚಂದಕ್ಕಿದ್ರೆ ಮುರಿಯೋ ಚಿಂತಿ
ವರ್ಷಾತಂದ್ರ ಮಕ್ಕಳ ಚಿಂತಿ
ಮಕ್ಳ ಆದ್ರ? ಹೆಣ್ಣ? ಗಂಡ?
ಹೆಣ್ಣ? ಭಾರೀ ದಂಡ
ಮನೆಲ್ಲಿದ್ರ ಒಂದು ಚಿಂತಿ
ಪರದೇಸಿ ಆದ್ರ್ ಇನ್ನೊಂದ್ ಚಿಂತಿ
ಬಾಡಿಗಿ ಮನಿ? ಸ್ವಂತ ಮನಿ?
ದೊಡ್ದ್ ಮನಿ? ಸಣ್ಣ ಮನಿ?
ಸ್ಕೂಟ್ರು? ಕಾರು?
ಫಾರೀನ್ ಕಾರುಬಾರು?
ಮೆತ್ತಗಿದ್ರ ಚಿಂತಿ
ಗತ್ತಗಿದ್ರೂ ಚಿಂತಿ
ಏರಿದ್ರೂ ಚಿಂತಿ
ಇಳಿದ್ರೂ ಚಿಂತಿ
ಮಂದಿ ಚಿಂತಿ ಮಂದಿ ಚಿಂತಿ
ಒಣ ಬಾಯ್ಮಾತಿನ ಚಿಂತಿ
ಮಂದಿ ಚಿಂತಿ, ಮಂದಿ ಚಿಂತಿ
ಒಂದ ಎರಡ? ಮುಗಿವಲ್ದು ಸಂತಿ

Sunday, May 27, 2012

ಏನೋ ಒಂದು!

ಕಟ್ಟೆಯ ಮೇಲೆ
ಕಳೆದ ವರುಷಗಳ
ಕನಸುಗಳ ಹರವಿಕೊಂಡಿದ್ದೇನೆ
ಹರಾಜಿಗೋ, ಮಾರಾಟಕ್ಕೋ
ಇಲ್ಲ, ದಾನಕ್ಕೋ
ಭುವಿಯ ಎದೆಯಲೋ
ನದಿಯ ಮಡಿಲೊಳೋ
ಮುಗಿಸುವ ಇರಾದೆಯಿಲ್ಲ
ನನ್ನ ಹುಚ್ಚುತನ ನನಗಿಂತ ಬಲ
ಎದೆ ಬಗೆದೋ
ನದಿಯ ಮಡಿಲಲಿ ಧುಮುಕಿಯೋ
ಹುಡುಕಿ ಹೊರತೆಗೆದೀತು!
ಹೋಗಿ ಬರುವ ಜನರದ್ದು ಉದಾಸೀನ
ತೀಕ್ಷ್ಣ್ಣ ನೋಟ
ಅಪಹಾಸ್ಯ, ಗಹಗಹಿಕೆ
ಸಖಿ ಕೇಳುತ್ತಾಳೆ
ನನ್ನ ಕನಸಿನ ದಾನ ಯಾರಿಗೇಕೆ ಎಂದು!
ನೀ ಬಂದು ಉತ್ತರ ನೀಡುವೆಯಾ?

Sunday, March 28, 2010

The Blind Side

Congratulations to Sandra Bullock , the most underrated hollywood actress on her first Oscar. 'The Blind side' is bright and beautiful.

PS: I don't have anything long(>10 lines )to post right now. ;)

Wednesday, March 24, 2010

Rwanda Rwanda

Some movies touch your soul. 'Hotel Rwanda' is one of them!

And I am back.............. :)

Sunday, May 17, 2009

ನಿನ್ನೆಗಳ ಇರಾದೆ

ಹಿಂದಿನದೆಲ್ಲ ಹಿಂದೆ ಬಿಟ್ಟು
ಇಂದಿನದರಲ್ಲಿ ನಾ
ಇದ್ದು ಬಿಡಬೇಕು

ಇಲ್ಲೇ ಒಂದು ಗುಂಡಿ ತೋಡಿ
ಬೇಡದ ಬೇವ ಮುಚ್ಚಿ
ನಿಟ್ಟಿಸಿರು ಬಿಟ್ಟು ಬಿಡಬೇಕು

ಬೆಂಕಿ ಹಚ್ಚಿ,ಆ ದಿಕ್ಕಿಗೆ ಬೂದಿಯ ಹಾರಿಸಿ
ಬೆನ್ನು ತಿರುಗಿಸಿ
ಇಷ್ಟಗಲ ಬಾಯಿ ತೆರೆದು
ಸುಮ್ಮನೆ ನಕ್ಕುಬಿಡಬೇಕು

ಗಂಗೆಯ ಒಡಲಿಗೆ ತೇಲಿ ಬಿಟ್ಟು
ಎರಡು ಹನಿ ಸುರಿಸಿ
ದೊಡ್ಡ ಅಡಿಗಳನಿಟ್ಟು
ನಾಳೆಗಳ ಬರಮಾಡಿಕೊಳ್ಳಬೇಕು

ಹೀಗೆಲ್ಲ ಅಂದುಕೊಂಡದ್ದಷ್ಟೇ ಬಂತು
ನಿನ್ನೆಗಳು ನನ್ನ ಬಿಡುತ್ತಿಲ್ಲ
ನನ್ನ ಪೂರ್ಣ ಸುಡುವ ಇರಾದೆ
ಹಾಳಾದ ನಿನ್ನೆಗಳದು

Friday, October 17, 2008

ಕೊನೆಗೊಂದು ಹಾಡು

ಮರಳುಗಾಡಿನಂತ ಬಿಸಿಲ ಉರಿ.
ನನ್ನ ಕಾಲಿಗಂಟಿ ಜೊತೆಬರುವ
ಕರಿಯ ದೊಡ್ಡ ನೆರಳು.
ಅದರ ಎದೆಯಲ್ಲೊಂದು ನಡುಕ
ಅದರೆದೆಯಿಂದ ಕಾಲಿಗಿಳಿದ
ಚಳಿ,ಭಾರೀ ಚಳಿ,
ನನ್ನ ಪಾದದೊಳಗೂ ಸೇರಿ
ಎದೆಯ ಗೂಡಿನೊಳಗೆಲ್ಲ
ನಡುಕ ,ಅಸಾಧ್ಯ ನಡುಕ.

ತುಟಿಯ ಪಟಪಟ,
ಸೆಟೆದು ನಿಂತ ರೋಮ.
ದಾರಿ ತಪ್ಪಿದ ಬಾಣ
ಬೆನ್ನ ಸೀಳಿ,
ಉಸಿರ ಬಿಗಿದಂತೆ.
ಕಣ್ಣು ಕತ್ತಲು.
ಅಡಿ ಕೆಳಗಿನ ಭೂಮಿ
ಒಡೆದು ಒಳ ಎಳೆಯುವಂತೆ
ಇಲ್ಲೇ ಇದ್ದ ನಾನು
ಇನ್ನಿಲ್ಲವಾಗುವಂತೆ
ಇಲ್ಲಿ ಎಲ್ಲವೂ
ಕೊನೆಗೊಂದು ಹಾಡು ಕಟ್ಟುತ್ತಿವೆ.

Wednesday, October 08, 2008

Inspiring Lines

ಮೊನ್ನೆ The World's fastest Indian ಸಿನೇಮಾ ನೋಡುತ್ತಿದ್ದೆ. ಅದರಲ್ಲಿನ ಮುಖ್ಯ ಪಾತ್ರ ಬರ್ಟ್ ಮುನ್ರೋ ತನ್ನ ಅಮೇರಿಕ ಯಾತ್ರೆಗೆ ಮುನ್ನ Theodore Roosevelt ನ ಕೆಲವು ಚಂದದ ಸಾಲುಗಳನ್ನು ತನ್ನನ್ನು ಸಮುದ್ರಯಾನಕ್ಕೆ ಬೀಳ್ಕೊಡಲು ಬಂದ ಮಹಿಳೆಗೆ ಹೇಳುತ್ತಾನೆ.

’Theodore Roosevelt' ಈ ಸಾಲುಗಳು, ನನಗೆ ಅತ್ಯಂತ ಇಷ್ಟವಾದ ಸಾಲುಗಳು,ಇಲ್ಲಿ ನಿಮಗಾಗಿ.

It is not the critic who counts,
not the man who points out
how the strong (wo)man stumbles
or where the doer of deeds
could have done them better.

The credit belongs to the (wo)man
who is actually in the arena,
whose face is marred by dust and sweat and blood,
who strives valiantly,
who errs and comes short again and again.

Because there is no effort
without error and shortcomings,
who knows the great devotion,
who spends himself in a worthy cause,
who at the best knows in the end
the high achievement of triumphand
who at worst,
if he fails while daring greatly,
knows his place shall never be
with those timid and cold souls
who know neither victory nor defeat.